قبل ظهور الانترنت

                   بسم الله الرحمن الرحيم 

" افكار طفلة قبل ظهور الانترنت" 

كان ياما كان يا سعد يا اكرام ما يحلى الكلام الا بذكر النبى عليه افضل الصلاة و السلام ...

كان فى بنت اسمها ملك ... سنها : ٩ سنين ..

شاطرة فى مدرستها ... و هادية جدا ... حياتها عبارة عن تعليم .. تعليم دراستها و تعليم حاجات تانية .. بدات فكرة تعليمها فى فترة ابتدائى ..

الكروشيه... اللى كتير كان حابب يتعلمه ... 

اتعلمت ملك و بدات تفكر تعمل حاجات كتير حلوة و ممكن تنفع.. 

عملت كوفيه .. و عملت بوك .. و عملت شال.. و عملت جراب موبيل .. و كل ده كان بفضل والدتها ... اللى كانت زى اختها بالظبط .. 

ابتدت تكبر ملك ..

و تكبر افكارها ... و الهواياتها كمان .. 

كل فترة كانت فيها هواية مسيطرة ..

فترة ابتدائى كانت الرسم و الموسيقى ...

فترة اعدادى كانت الغنى و كانت زى مغنية الشلة كده ..

فترة ثانوى .. رجعت لهواية الرسم... بس المرادي كانت هواية الرسم على الحيطة .. ايوة على الحيطة ..

بس طبعا بعد تدريب .. اصل مكنش ينفع ترسم كده و هى مش عارفة حاجه .. تدربت ٣ سنين .. و بقت اشطر كتكوت..

رسمت على الحيطة و رسمت على المرايا و رسمت على الازاز ...

 و ابتدا بيتها يبقى عبارة عن معرض ...

مره ترسم على ازاز البلكونة ..

و مره ترسم فى اوضتها على حيطة كاملة ...

و مره ترسم على مراية الدولاب بتاعها...

لحد ما خلصت ٣ سنين ثانوى و بدات مرحلة جديدة جدا فى حياتها .. 

مرحلة الانترنت ... 

ملك بدات تتعلم مهارات جديدة من الانترنت .. 

و بالذات .. عمل الاشكال بالفوم ... 

بدات تعمل قلوب و ورد .. و تعلقهم فى اوضتها (المعرض بتاعها ) 

و بدات تكبر تانى و هواياتها تتغير .. من رسم و فن ..

لمطبخ و متعة التذوق ... 

بدات تتعلم تانى و تالت و تجرب و تنجح من اول تجربة .. 

و تدوق متعة التذوق .. 

لحد ما وصلت ل٢١ سنه...

و بقت عبارة عن ميكس .. صندوق تجارب و حكايات طويلة من التعليم و الهوايات .. و بدات تعمل مشروعها اللى حقق نجاح كبير ..

و توتة توتة خلصت الحدوتة ..