تحقيق حلم

                           بسم الله الرحمن الرحيم 

" تحقيق حلم " 

كان ياما كان يا سعد يا اكرام ما يحلى الكلام الا بذكر النبى عليها أفضل الصلاة و السلام ...

كان فى راجل طيب اسمه عم رضا .. سنه ٥٢ سنه .

عم رضا راجل طيب جداا عنده اولاد و بنات و زوجة طيبة ..

راجل غلبان اوى و اللى بيشتغل بيه .. بيجيب بيه اكل لبيته و لاولاده ... 

بس عم رضا كان عنده حلم .. ان لما يجى عيد الأضحى يدبح خروف .. و يوزع على الناس الفقراء .. 

بس للاسف حلمه كل سنه مكنتش بيتحقق .. مصاريف بيته بتقضى بالعافية .. 

و جه يوم عرفة و عم رضا معهوش يجيب الخروف اللى يضحى بيه .. 

و كالعادة زوجته تواسيه و يرد عم رضا و يقولها: 

الحمد لله على كل حال .. لسه الوقت المناسب مجاش .. 

زوجته : ربنا اعلم هيجى امت .. و اعلم بنيتك ..

عم رضا بابتسامه : ربنا يرزقنى و اجيب السنه الجاية ..

و بدأ يطلب و يتمنى فى صلاته .. و بدا يشتغل و يحاول ..

و يصلى و يدعى ..

وربنا بقى يرزقه .. رزق حلال مبارك ..

بيكفى بيته و يزيد .. و اللى بيزيد ده بيشيله مع زوجته ..

 لحد لما جاله شاب و طلب ايد بنته الكبيرة ..

و بدا يفكر و قال خلاص هشوف بنتى هتوافق عليه ولا لا ..

و فعلا بنته وافقت .. 

و عم رضا مرضاش يكسر فرحه بنته .. و تمت خطوبتها ..

و بدات الفلوس تنقص .. 

بس عم رضا مكنش زعلان.. بالعكس كان فرحان بنته و فرحته نسته كل حاجه .. 

و سبها على ربنا .. و استمر فانه يشتغل و يحوش .. 

لحد ما جه يوم عرفة ..

و بدا يسأل مراته على الفلوس .. 

و كانت المفاجأة ان الفلوس اللى حوشها طول السنه دى ..

كانت كتير اوى لدرجة انها متجبش خروف واحد 

لا دى تكفى خروفين .. 

و بالنسبة لفرحة عم رضا .. كانت كبيرة اوى..

عيونه دمعت .. و بكى و شكر ربنا عشان كرمه بالاكتر ..

و تقبل دعاءه .. 

و بدا عم رضا فى شراء الخرفان.. و تم ذبحهم .. و دخلت الفرحة بيت عم رضا .. 

و تحققت مقولة " ارضى بالقليل .. عشان ربنا يكرمك بالكتير " 

و توتة توتة خلصت الحدوتة