بسم الله الرحمن الرحيم
...................🌹آدَم و حَوَاء🌹.......................
كان ياما كان..أيام زمان 🌹 زمان وأكتر من زمان
والأرض لسةغابات وطيور🌹ووحوش غريبة ومَيَّة وجان
والأرض دايرةغروب وشروق🌹بتلف بين ضوضاء وهدوء
الله أراد يخلق مخلوق 🌹يعبد ويبني الأرض كمان
جمع الملايكةبكلمةوقال🌹هاجعل خليفة فسألو سؤال
يارب ليه والدم سال؟ 🌹 وكان الفساد أشكال والوان؟
واحنا اللي بنسبَّح على طول🌹والذِكر ليك دايماً موصول
فقالُّهم لكنِّي عليم. 🌹 أنا الملك وأنا الرحمن
فرددو سبحان الله. 🌹 العلم لَك.والحكمة وراه
وفي لحظةجاب الطين سواه🌹 وبنفخةواحدة كان إنسان
وبكلمةواحدة سجدو لِيه. 🌹إبليس بقى والكِبر مالِيه
قال مستحيل مخلوق من نار🌹. ينهار ويسجد أو يتهان
وغروره خلّاه نفذ غرضه🌹 فربنا من الجنة طرده
وأمهله إلى يوم الدين 🌹 فحِلِف يخلي الناس في هوان
ويبقى ليهم أسوأ جار 🌹 ويجُرُّهم لذنوب ودمار
فقالُّو روح.ومصيركو النار🌹. إلا اللي ساكن قلبه إيمان
آدم بقى كان وسط نعيم 🌹 وربه جاعل قلبه سليم
وعلِّمه كل الأسماء. 🌹. فحفظها بمهارة وإتقان
وعشان يكون في الأرض خليفة🌹 الله خلَقلُه زوجة لطيفة
سمَّاها حوَّا وزادها جمال. 🌹 بيشع نور مليان ألوان
إبليس بقى قرَّر يغويه. 🌹وفِضِل يحاول يوصل لِيه
كان لِيه هدف ومُصِّر عليه🌹فنجح وعدَّى من الجدران
وقالُّه عندي ليك أسرار 🌹 ربك سمحلك بالأشجار
وشجرة واحدة قالك لا 🌹 ولا دُقت منها لحد الآن
روح دوقها يلَّا وحَوَّا معاك 🌹 لو كَلْت منها هتبقَى ملاك
كل اللي داقو منها فازو 🌹ومُخَلَّدين في نعيم وأمان
آدم رفض.لكن علَى مين 🌹 إبليس فِضِلُّه شمال ويمين
خدَعُه وغواه.وحَرَّكْلُه هواه🌹 خَلَّاه فتح باب العصيان
أول ماداقو رِداءهم زال 🌹 ودَمْعُهُم من خوفهم سال
وفْضْلو يتغطو بأوراق 🌹 وقلْبُهُم مليان أحزان
ولما داقو ندم وعذاب 🌹 الله عاتبهم أقوى عتاب
ووَهَب كلام.فَعَليهم تاب🌹كلام ملاه رحمة وغُفران
لكنُّه قالُّه انت وحواء. 🌹 هتهبطو لأرض الأهواء
هتعيشو فيها انتو وإبليس🌹أعداء لبعض في كل زمان
وهتيجي منكو كتير أجيال🌹 هيغُرُّهم إبليس بالمال
وبالبنين وبالشهوات 🌹ونشوف نهاية الامتحان
اللي يطيع الله هينول 🌹جنة ونعيم دايم على طول
ليست هناك تعليقات:
إرسال تعليق